بنگلہ دیش نے بھارت کے ساتھ اپنی سرحد سیل کی

بنگلہ دیش حکومت نے اعلان کیا کہ بھارت میں کورونا وائرس کی وجہ سے بگڑتی ہوئی صورتحال کی وجہ سے اس کے ساتھ متصل سرحد کو دو ہفتوں کے لیے بند کرنے کا فیصلہ کیا گیا ہے۔

اس سے قبل بنگلہ دیش نے کورونا وائرس کی وجہ سے بھارت کے ساتھ تمام پروازیں ملتوی کر دی تھی۔

بنگلہ دیش کے وزیر خارجہ اے کے عبدالمومن نے بتایا کہ بھارت میں کورونا انفیکشن کی شدید صورتحال کے پیش نظر سرحد بند کرنے کا فیصلہ کیا گیا ہے۔

انہوں نے کہا کہ 'یہ حکم بھارت سے آنے والی مال بردار گاڑیوں پر لاگو نہیں ہوگا۔'

وزیر خارجہ نے مزید کہا کہ 'بھارت میں گذشتہ تین دنوں میں تقریباً ایک ملین افراد کورونا سے متاثر ہوئے ہیں اور بھارتی حکومت کورونا مریضوں کے لیے آکسیجن کی فراہمی کے لیے جدوجہد کر رہی ہے۔'