بنگلہ دیش: ٹرین حادثے میں چار ہلاک، سو سے زائد زخمی

بنگلہ دیش کے شمال مشرقی شہر سلهٹ سے ڈھاکہ کی طرف جا رہی ٹرین کے پانچ ڈبے پٹری سے اتر گئے، جن میں ایک ڈبہ نہر میں گر گیا۔

بنگلہ دیش میں مولوی بازار کے كلورا میں بوروماچل پل پر اتوار کی رات اپون ایکسپریس کے پانچ ڈبے پٹری سے اتر جانے سے کم از کم چار ہلاک، جبکہ سیکڑوں زخمی ہو گئے۔

محکمہ فائر اینڈ سروس کے افسر نورن نبی نے پیر کو بتایا کہ پیر کی رات 11 بج کر 50 منٹ پر یہ حادثہ پیش آیا۔

اس حادثے میں شمال مشرقی شہر سلهٹ سے ڈھاکہ کی طرف جا رہی ٹرین کے پانچ ڈبے پٹری سے اتر گئے جن میں ایک ڈبہ نہر میں گر گیا اور دو نہر کے کنارے گرے۔

اندھرے کی وجہ سے راحتی عملے کو بچاؤ کاروائیوں میں مشکلات کا سامنا کرنا پڑا۔

مسٹر نبی نے بتایا کہ اس حادثے میں چار افراد موقعے پر ہی ہلاک ہو گئے، مرنے والوں کی تعداد میں اضافے کا خدشہ ہے۔