ایران کے اعلی رہنما آیت اللہ خامنہ ای نے جمعرات کو بھارت میں مسلمانوں کے خلاف تشدد کی مذمت کی اور کہا کہ دہلی میں حالیہ فرقہ وارانہ تشدد کے تعلق سے پوری دنیا کے مسلمانوں کے دل غمزدہ ہیں۔
آیت اللہ خامنہ ای نے اپنے ٹوئٹر پوسٹ میں لکھا ہے کہ ہندوستان میں مسلمانوں کے قتل عام پر پوری دنیا کے مسلمانوں کے دل غمگین ہیں۔حکومت ہند کو چاہئے کہ وہ انتہا پسند ہندوؤں اور ان کی پارٹیوں سے نمٹے اور مسلمانوں کے قتل عام کو روکے تاکہ بھارت عالم اسلام سے کٹ کر نہ رہ جائے۔
یہ پوسٹ ہیش ٹیگ ہندوستانی مسلمان خطرے میں کے ساتھ ختم ہوتی ہے۔
واضح رہے کہ سی اے اے کے حامیوں اور مخالفین کے درمیان شمال مشرقی دہلی میں ہوئے پُر تشدد تصادم میں اب تک 53 افراد ہلاک ہوچکے ہیں۔
