آصف زرداری کے ریمانڈ کی مدت میں اضافہ

عدالت نے زرداری کے بچوں بلاول ،آصفہ اور بختاور کو ہفتے میں دو بار اپنے والد سے ملنے کی اجازت دی ہے۔

پاکستان کے دارالحکومت اسلام آباد کی ایک احتساب عدالت نے سابق صدر اور پاکستان پیپلس پارٹی کے نائب صدر آصف زرداری کی پارک لین بدعنوانی معاملے میں ریمانڈ کی مدت میں 14 دنوں کا اضافہ کر دیا ہے۔

سابق صدر کو آج قومی احتساب بیورو نے جسٹس محمد بشیر کی عدالت میں پیش کیا۔بیورو نے ان کی ریمانڈ کی مدت میں 14 دنوں کے اضافے کی گذارش کی۔

نیب کی اپیل کو قبول کرتے ہوئے عدالت نے زرداری کی ریمانڈ کی مدت میں اضافے کے بعد انہیں 29جولائی کو دوبارہ پیش کرنے کا حکم دیا ہے۔

عدالت نے زرداری کے بچوں بلاول ،آصفہ اور بختاور کو ہفتے میں دو بار اپنے والد سے ملنے کی اجازت دی ہے۔