افغانستان حکومت سے اقتدار میں شراکت داری کی کوئی تجویز موصول نہیں: طالبان

طالبان کے ترجمان شاہین نے کہا ہے کہ طالبان حکومت میں شامل ہونے کے لیے تیار ہے اور صدر اشرف غنی کی حکومت کو اکھاڑ پھینکنے کا کوئی ارادہ نہیں ہے۔

کابل: طالبان نے کہا ہے کہ افغان حکومت کی طرف سے اقتدار میں شراکتداری کی کوئی تجویز موصول نہیں ہوئی ہے۔ الجزیرہ نے جمعرات کے روز قطر کے سیاسی دفتر سے طالبان کے ترجمان سہیل شاہین کے حوالے سے یہ اطلاع دی ہے ۔

الجزیرہ کے مطابق شاہین نے بتایا کہ طالبان حکومت میں شامل ہونے کے لیے تیار ہے اور وہ صدر اشرف غنی کی حکومت کو اکھاڑ پھینکنے کا کوئی ارادہ نہیں رکھتا ہے۔ اس سے پہلے دن الجزیرہ نے بتایا تھا کہ افغان حکومت نے تشدد کے خاتمے کے لیے طالبان کو اقتدار میں شراکتداری کی پیشکش کی ہے۔