اقوام متحدہ کے ترجمان اسٹیفن ڈوجرک نے کہا کہ اقوام متحدہ بھارتی کشمیر میں سخت پابندیوں سے آگاہ ہے۔
انہوں نے کہا کہ مبصرگروپ نے ایل اوسی پر فوجی سرگرمیوں میں اضافے کا مشاہدہ کرکے رپورٹ دی ہے۔ تنازع کے تمام فریقین سے اپیل ہے کہ وہ تحمل کا مظاہرہ کریں۔
اقوام متحدہ کے سکریٹری جنرل انٹونیو گوتیرس نے کہا کہ اقوام متحدہ کا مؤقف ہے کہ کشمیر سمیت تمام مسائل دوطرفہ بات چیت سے حل ہونے چاہئیں۔ انہوں نے کہا کہ ہم خطے میں کشیدگی اور خدشات کا جائزہ لے رہے ہیں، وہ بھارت کی جانب سے کشمیر میں لگائی گئی پابندیوں سے بھی واقف ہیں اور تمام فریقین سے تحمل کا مظاہرہ کرنے کی درخواست کرتے ہیں۔
انہوں نے کہا: 'میں پہلے ہی آپ کو بتا چکا ہوں کہ پاکستان اور بھارت میں اقوام متحدہ کے فوجی مبصرین کے گروپ نےلائن آف کنٹرول کے اطراف بڑھتی فوجی سرگرمیوں پر مشاہدہ رپورٹ دی ہے۔'
