میانمار کی ٹریڈ یونین نے ملک گیر ہڑتال کی اپیل کی ہے اور فوجی رہنماؤں پر دباؤ ڈالنے اور ملک میں جمہوریت کی بحالی کے لیے دباؤ میں اضافہ کرنے کے لیے بغاوت مخالف مظاہروں میں شامل ہونے کی اپیل کی ہے۔
الجزیرہ نے بتایا ہے کہ ملک گیر ہڑتال کی یہ تازہ ترین اپیل اس لیے کی گئی ہے کہ دو اور مظاہرین کے سر میں گولی لگی ہے۔ احتجاج کے دوران سیکیورٹی فورسز نے مظاہرین پر فائرنگ کردی ہے۔
پیر کو فیس بک پر شیئر کی گئی تصویروں میں شمالی شہر میٹاکینا میں دو افراد کی لاشیں سڑک پر پڑی ہوئی دیکھی گئی ہیں۔
عینی شاہدین نے بتایا کہ جب وہ مظاہرہ کرنے کے لیے نکلے تھے تب پولیس نے اسٹین گرینیڈ اور آنسو گیس کے گولے داغے جس سے متعدد افراد زخمی ہوگئے۔
یانگون شہر میں تازہ ترین ہلاکتوں کی وجہ سے دکانیں، فیکٹریاں اور بینک بند تھے۔ تقریبا 18 لیبر یونینوں نے یکم فروری کو ہونے والی بغاوت کو واپس لینے اور آنگ سان سوچی کی منتخب حکومت کی بحالی کا مطالبہ کرتے ہوئے ملک گیر بند کا مطالبہ کیا ہے۔
-یو این آئی
