عراق کے دارالحکومت بغداد میں حکومت کے خلاف احتجاج کا سلسلہ جاری ہے۔ ہفتے کے روز ہونے والے مظاہرے میں ایک شخص کے ہلاک اور 91 افراد کے زخمی ہونے کی خبر ہے۔
مظاہرین مسلسل حکومت کی برطرفی کا مطالبہ کر رہے ہیں۔ بغداد میں گذشتہ ایک ہفتے کے دوران مظاہرین کی تعداد میں اضافہ ہوا ہے۔
ہفتے کے روز دریائے دجلہ کے جمہوریہ پل کے نزدیک پولیس اور مظاہرین کے درمیان تصادم کے سبب متعدد افراد زخمی ہوئے ہیں۔
مظاہرین کا کہنا ہے کہ اس علاقے میں رہنی والی ملک کی حکمراں اشرافیہ کا عوامی مسائل سے کوئی سروکار نہیں ہے۔ مظاہرین انہیں بدعنوانیوں کے خلاف احتجاج کر رہے ہیں۔
گذشتہ تقریبا ایک ماہ سے عراق کے جنوبی شہروں میں پُرتشدد مظاہروں میں سکوریٹی فورسز کی جانب سے چلائی گئی گولیوں سے ڈھائی سو سے زائد افراد ہلاک ہوچکے ہیں۔
