سعودی رویت ہلال کمیٹی نے ذی الحجہ کے چاند سے متعلق اعلان کردیا ہے۔ اعلان کے مطابق سعودی رویت ہلال کمیٹی نے کہا ہے کہ 'ذی الحجہ کا چاند نظر نہیں آیا، یکم ذی الحجہ 11 جولائی بروز اتوار کو ہوگی۔'
عرب میڈیا کے مطابق سعودی رویت ہلال کمیٹی نے کہا ہے کہ 'حج کا رکن اعظم وقوف عرفہ 19 جولائی اور عید الاضحیٰ 20 جولائی کو ہوگی۔'
واضح رہے کہ گزشتہ روز سپریم کورٹ نے سعودی عرب میں جمعہ کو ذی الحجہ کا چاند دیکھنے کی اپیل کی تھی۔ سپریم کورٹ نے اعلامیہ میں کہا تھا کہ 'ام القریٰ کیلنڈر کے حساب سے جمعہ کو ذیقعدہ کی 29 تاریخ تھی، اس اعتبار سے ذی الحجہ کا چاند دیکھنے کی کوشش کی گئی۔
یہ بھی پڑھیں: Hajj-2021: عازمین حج کا اندراج مکمل، 60 ہزارافراد اہل قرار
سپریم کورٹ نے تمام مسلمانوں کے علاوہ مقامی رویتِ ہلال کمیٹیوں سے اپیل کی تھی کہ مذکورہ دن میں ممکنہ مطع میں چاند دیکھا جائے۔ اسی کے ساتھ چاند دیکھنے والوں کو ہدایت کی گئی تھی کہ قریبی عدالت میں اپنی گواہی کا اندراج کرائے۔'
(یو این آئی)
