امریکہ کے صدر ڈونلڈ ٹرمپ نے کہا ہے کہ وہ ایران پر مزید پابندیاں عائد کر رہے ہیں جن کا اطلاق ایران کے رہبر اعلیٰ خامنہ ای کے دفتر پر بھی ہوگا۔
انہوں نے مزید کہا کہ ایران پر دباؤ جاری رکھیں گے اور ایران کو کبھی جوہری ہتھیار حاصل نہیں کرنے دیں گے۔
ان پابندیوں کی تفصیلات ابھی سامنے نہیں آئی ہیں۔
حالیہ ہفتوں میں دونوں ممالک کے مابین کشیدگی میں اضافہ ہوا ہے۔
اس سے قبل امریکی وزیر خارجہ مائیک پومپیو نے امریکہ اور ایران کے درمیان بڑھتی ہوئی کشیدگی کے تناظر میں سعودی عرب کے بادشاہ شاہ سلمان بن عبدالعزیز سے ملاقات کی ہے۔
