شام میں فضائی حملہ، 50 سے زائد باغی ہلاک

جس خطے میں فضائی حملہ کیا گیا ہے، وہ ادلب کا صوبہ ہے اور یہ باغیوں کا آخری علاقہ ہے۔ یہاں باغی گروپ 'فلیق الشام' کے فوجی مشقی کمیپ کو نشانہ بنایا گیا ہے۔

شام کے حزب اختلاف کے ترجمان اور جنگی مانیٹر نے بتایا کہ پیر کے روز شمال مغربی شام میں باغیوں کے تربیتی کیمپ پر فضائی حملہ ہوا، جس میں 50 سے زائد باغی ہلاک اور کئی دیگر زخمی ہوگئے ہیں۔

باغی گروپ کے ترجمان یوسف حمود نے بتایا کہ جس خطے میں فضائی حملہ کیا گیا ہے، وہ ادلب کا صوبہ ہے اور یہ باغیوں کا آخری علاقہ ہے۔ یہاں باغی گروپ 'فلیق الشام' کے فوجی مشقی کمیپ کو نشانہ بنایا گیا ہے۔

حمود کے مطابق 'جبل الدویلا' میں فضائی حملے کے دوران ہلاک ہونے والوں میں کیمپ کے رہنما بھی شامل ہیں۔

حمود کا یہ بھی کہنا ہے کہ ترکی اور روس نے رواں برس کے اوائل میں ادلب سے متعلق ایک معاہدہ توڑ دیا، جس کے سبب سیکڑوں افراد بے گھر ہو گئے ہیں۔