افغان الیکشن کمیشن کی جانب سے جاری کردہ نتائج کے مطابق اشرف غنی 50 فیصد سے زائد ووٹ لے کر دوبارہ صدر منتخب ہوگئے ہیں جبکہ ان کے حریف عبداللہ عبداللہ کو 39 فیصد ووٹ ملے ہیں۔ افغانستان کے قوانین کے مطابق کسی بھی امیدوار کو حتمی نتائج سے پہلے کسی بھی قسم کی شکایت یا درخواست دائر کرنے کا حق حاصل ہے۔
اشرف غنی نے 9,23,868 سے زیادہ ووٹ حاصل کیے۔
افغانستان کے صدر اشرف غنی نے ملک میں ہوئے صدارتی انتخاب میں حزب اختلاف کے احتجاج کے باوجود برتری حاصل کی ہے۔
افغانستان کے الیکشن کمیشن کی جانب سے ستمبر میں ہوئے صدارتی انتخابات کے نتائج کا آج اعلان کیا ، جس میں صدر اشرف غنی کوجیت حاصل ہوئی ہے۔
’ایکسپریس ٹربیون‘ کے مطابق واضح رہے کہ افغانستان کے گزشتہ انتخابات میں بھی دھاندلی کے الزامات سامنے آئے تھے، صدارتی امیدوار عبداللہ عبداللہ نے نتائج ماننے سے انکار کردیا تھا تاہم عالمی قوتوں نے دونوں کے درمیان شراکت اقتدار کا معاہدہ کرایا تھا جس کے تحت اشرف غنی صدر بنے تھے جب کہ عبداللہ عبداللہ کو چیف ایگزیکٹیو کا عہدہ تفویض کیا گیا تھا۔
