افغانستان میں حقوق انسانی کی کارکن فرشتہ کوہستانی کو نامعلوم مسلح افراد نے صوبہ کاپیسا کے ضلع کوہستان میں فائرنگ کر کے ہلاک کردیا۔
رواں ہفتے افغانستان میں یہ تیسرا ہائی پروفائل قتل ہے جن میں ایک کابل کے ڈپنی گورنر، ایک مشہور خاتون صحافی بھی شامل ہے۔
افغانستان کی وزارت داخلہ نے تصدیق کی ہے کہ 'افغانستان کے شمال مشرقی صوبے کاپیسا میں افغانستان میں حقوق انسانی کارکن فرشتہ کوہستانی کو فائرنگ کر کے ہلاک کر دیا گیا'۔
طلوع نیوز کے نشریاتی ادارے کے حوالے سے بتایا گیا ہے کہ 'آج شام پانچ بجے کے لگ بھگ کاپیسا کے ضلع کوہستان کے علاقے حصہ اول میں موٹرسائیکل پر سوار نامعلوم مسلح افراد نے فرشتہ کوہستانی کو ہلاک کر دیا'۔
وزارت نے ایک بیان میں بتایا کہ 'ان کا بھائی بھی اس حملے میں زخمی ہوا تھا۔ انٹیلی جنس یونٹوں نے کارروائی شروع کردی ہے'۔
منگل کے روز صوبہ غزنی میں صحافی یونین کے سربراہ صحافی رحمت اللہ نیک زاد کو گھریلو اور بین الاقوامی سطح پر ہنگامہ آرائی کا نشانہ بناتے ہوئے ہلاک کردیا گیا۔
- مزید پڑھیں: حافظ سعید کو 15 برس کی سزا
بدھ کے روز افغانستان کے نگران اور آزادانہ انتخابات فورم کے سربراہ یوسف رشید کو بندوق برداروں نے اپنے ڈرائیور سمیت ہلاک کردیا۔
