افغانستان کے پہلے نائب صدر امر اللہ صالح نے منگل کو اعلان کیا کہ وہ ملک میں ہیں اور "نگراں صدر" ہیں۔ صدر اشرف غنی نے اس سے قبل طالبان کی پیش قدمی کے دوران ملک چھوڑ دیا تھا اور ان کا ٹھکانہ کسی کو معلوم نہیں ہے۔ اس سے پہلے یہ خبریں آئی تھیں کہ صالح بھی غنی کے ساتھ فرار ہو گئے ہیں۔
صالح نے ایک ٹوئٹ میں کہا کہ’’ افغان کے آئین کے مطابق، صدر کی غیر موجودگی، فرار، استعفیٰ یا موت کی صورت میں نائب صدر نگران صدر بن جاتا ہے۔ میں اس وقت اپنے ملک کے اندر ہوں اور نگراں صدر ہوں۔ میں تمام رہنماؤں سے ان کی حمایت اور اتفاق رائے کے لیے رابطہ کر رہا ہوں۔‘‘
مزید پڑھیں: Taliban Viral Video: فتح کے بعد طالبان ارکان کا تفریحی ویڈیو وائرل
اس سے قبل صالح نے ٹوئٹ کیا تھا کہ "اب افغان پر کے ساتھ @POTUS بحث کرنا فضول ہے۔ اسے ختم کریں۔ ہم افغانوں کو ثابت کرنا چاہیے کہ افغان ویتنام نہیں ہے۔ امریکہ/ نیٹو کے برعکس ہم حوصلہ نہیں کھوتے اور آگے بہت زیادہ مواقع ہیں۔‘‘
