افغانستان کے صدر اشرف غنی سلامتی امور پر مذاکرات کے لئے صوبہ بلخ کے دارالحکومت مزار شریف پہنچ گئے ہیں۔ اس دوران صدر کے ترجمان نے اطلاع دی ہے کہ غنی، سابق نائب صدر عبدالرشید دوستم اور بلخ کے سابق گورنر محمد نور کے علاوہ مقامی لوگوں کے ساتھ بات چیت کریں گے اور مزار شریف کی حفاظت کو یقینی بنانے کے اقدامات پر توجہ دیں گے۔
غنی بغلان کے دارالحکومت پل خمری پر طالبان کا کنٹرول ہونے کے ایک روز بعد مزار شریف کا دورہ کرنے جارہے ہیں۔ طالبان کے اب مزار شریف کی طرف بڑھنے کی بھی رپورٹ سامنے آئی ہے۔
مزید پڑھیں:بدخشاں سمیت افغانستان کے 9 صوبوں پر طالبان کا قبضہ
افغانستان سے امریکی فوجیوں کی واپسی کے درمیان طالبان نے صرف پانچ دنوں میں ملک کے آٹھ صوبوں پر قبضہ کرنے کادعویٰ کیا ہے۔
