افغانستانی فوج نے طالبان کے منصوبہ بند دوکاربم حملوں کو ناکام کردیا ہے۔ میواند 215 ویں کورنے منگل کو ایک بیان میں یہ اطلاع دی۔
میواند کورنے بتایا کہ حملہ آور افغانستان کے جنوبی ہلمند صوبہ میں ضلع گیریشک کے ابپشاک علاقہ میں ایک سیکیورٹی چوکی کو نشانہ بنانے کی منصوبہ بندی کر رہے تھے۔
طالبانی شدت پسند کے مختلف گروہ سیکیورٹی فورسز کی مختلف چوکیوں پر دوسرا حملہ کرنے کا بھی منصوبہ بنارہے تھے۔سیکیورٹی فورسز کی چوکسی کے سبب شدت پسندوں کے دونوں حملے ناکام ہوگئے۔
میواند کور نے کہا دوسرے حملے میں طالبان کے نو شدت پسندہلاک ہوگئے اور کار بم حملے سمیت ان کے تمام منصوبے دھرے کے دھرے رہ گئے۔
حالانکہ سیکیورٹی ذرائع نے بتایا کہ فوج کے آپریشن میں دوجوانوں کی موت ہوگئی اور دیگر دو زخمی ہوگئے، جبکہ تین غائب ہیں۔
اس درمیان شمشاد ٹی وی نے آج پولیس کے حوالے سے کہا کہ افغانستان کے شمالی صوبہ فاریاب میں کار بم حملے میں چار سیکیورٹی اہلکار مارے گئے اور دیگر 15 زخمی ہوگئے جن میں 10 شہری بھی شامل ہیں۔
صوبہ فاریاب میں کاربم حملہ کی ابھی تک کسی گروہ نے ذمہ داری قبول نہیں کی ہے۔
