فلپائن میں محکمہ صحت کے مطابق نئے اسٹرین کا پتہ تب چلا جب طبی اہلکاروں نے کورونا وائرس کے 85 معاملوں کا پتہ لگایا اور ان کا جائزہ لیا۔ محکمہ صحت کے تکنیکی صلاح کار گروپ کے رکن انا اونگ لم نے سی این این فلپائن سے کہا کہ ہم اس کا انتظار کررہے تھے، کیا یہ فلپائن کے لئے انوکھا ہے یا یہ پہلے سے ہی دیگر ملکوں میں پھیل چکا ہے۔ دراصل ہمیں بتایا گیا ہے کہ یہ حقیقت میں کورونا وائرس کی ایک نئی شکل ہے۔
محکمہ صحت کے مطابق کورونا وائرس میں آئی تبدیلیوں کا نام پی -3 ہے اور پورے فلپائن میں ابھی تک اس نئی شکل کے 98 معاملے سامنے آئے ہیں۔ افسروں نے کہا کہ اس کے پھیلنے اور اس سے ہونے والی اموات کے خطرے کا جائزہ لینے کی ضرورت ہے۔
اس کے علاوہ محکمے نے یہ بھی بتایا کہ ملک نے پہلی بار برازیل میں تلاش کئے گئے پی -1 اسٹرین کے پہلے معاملے کا پتہ لگایا تھا۔ واضح رہے کہ ملک میں کورونا وائرس کے چھ لاکھ سے زیادہ معاملوں کی تصدیق ہوئی ہے اور اس وبا سے قریب 13 ہزار لوگوں کی جان جاچکی ہے۔
یو این آئی
