جنوبی کوریا میں اتوار کو کورونا وائرس سے ایک مزید شخص کی موت ہونے کے ساتھ ہی اس وائرس سے مرنے والوں کی تعداد بڑھ کر پانچ ہو گئی اور متاثرین کی تعداد 602 ہو گئی ہے۔
اس سے پہلے اس وائرس سے 556 لوگوں کے متاثر ہونے اور چار لوگوں کی موت کی اطلاع منظرعام پر آئی تھی۔
يونهاپ نے صدر مون جے ان كا حوالے دیتے ہوئے کہا اب سے آنے والے کچھ دن بہت اہم ہیں اس دوران وزیر صحت پارک نیونگ ہو نے میڈیا سے کہا کہ کورونا وائرس سے لڑنے کے لئے اگلے سات سے 10 دن بہت اہم ہوں گے۔
انہوں نے کہا کورونا وائرس کا پھیلاؤ تیزی سے ہو رہا ہے لیکن یہ ایک مخصوص علاقے اور گروپ تک محدود ہے۔
واضح ر ہے کہ کورونا وائرس کا پہلا معاملہ چین کے صوبہ ہوبئی کے دارالحکومت ووہان میں گزشتہ سال دسمبر کے آخر میں سامنے آیا تھا اور اب یہ ملک کے 31 صوبوں میں پھیل چکا ہے۔
چین میں کورونا وائرس کی زد میں آکر مرنے والوں کی تعداد 2،346 ہو گئی ہے جبکہ اب تک مجموعی طور پر 76،288 لوگوں میں اس وائرس کے انفیکشن کی تصدیق ہوئی ہے۔
فی الوقت کورونا وائرس بھارت سمیت دنیا کے 25 سے زائد ممالک میں پھیل چکا ہے۔
