چین میں عالمی وبا کورونا وائرس کے 34 نئے کیسز کی تصدیق کی گئی ہے۔
نیشنل ہیلتھ کمیشن نے اپنی یومیہ رپورٹ میں کہا ہے کہ 'جیانگ آنگ میں 20 اور صوبہ لیاؤننگ میں نو کیسیز کی تصدیق ہوگئی ہے۔ اس کے علاوہ ووہان میں پانچ نئے کیسیز ریکارڈ کیے گئے ہیں۔
کمیشن نے کہا کہ کورونا وائرس کی وجہ سے اس عرصے کے دوران ملک میں کسی کی موت نہیں ہوئی ہے۔
چین کے صدر شی جن پنگ نے گزشتہ دس مارچ کو ووہان کا دورہ کیا تھا، جہاں کی ایک حیاتیاتی لیب سے کورونا وبا کے پھیلنے کا خدشہ ظاہر کیا گیا تھا۔
ذرائع کے مطابق چین میں مختلف ممالک سے آنے والے لوگوں میں تاحال تشویش پائی جارہی ہے۔ اسی بنا پر دنیا بھر کے لوگ چین کی سیاحت سے پرہیز کررہے ہیں۔
مزید پڑھیں: چین: 2020 کے تمام ڈبلیو ٹی اے ٹورنامنٹ منسوخ
بتایا جارہا ہے کہ دارالحکومت بیجنگ اور دیگر علاقوں میں بیرون ملک سے آنے والے افراد کے لیے 14 دن تک قرنطینہ میں قیام ضروری ہے، یہ قرنطینہ مختلف ہوٹلز میں قائم کیے گئے ہیں۔
