چین سے 316بنگلہ دیشی شہریوں کی وطن واپسی

کورونا وائرس کی وبا کا مرکز بنے چین کے ہوبیئ صوبہ سے 316بنگلہ دیشی شہری وطن واپس آگئےہیں۔

بنگلہ دیش ایئر لائن کی ایک خصوصی فلائٹ صبح تقریبا 11بجکر 53منٹ پر حضرت شاہ جلال ایئرپورٹ پہنچی۔ جس میں چین سے مسافر آئے تھے اور اس خصوصی طیارہ سے آئے سبھی مسافروں کو علیحدہ رکھا گیا ہے۔

اس سے قبل جمعرات کو ایئرپورٹ پر ایک میڈیکل افسر نے بتایا 'حفاظتی اسباب کی بنا پر ان مسافروں کو حج کیمپ لے جایا گیا ہے'۔

حکومت کا کہنا ہے 'کیمپ میں وزارت صحت کی ایک ٹیم روزانہ انکی صحت کا معائنہ کرے گی۔ حکومت کیمپ میں رہ رہے لوگوں کے علاج کا پورا خرچ برداشت کرے گی اور بنگلہ دیشی فوج اور پولیس افسران انھیں سکیورٹی فراہم کریں گے۔

حکومت نے مسافروں کے خاندان سے روزانہ کیمپ آکر ان کی صحت کی صورتحال معلوم کرنے کی گزارش کی ہے۔ خاندان کے افراد ہیلپ لائن نمر کے ذریعہ انکی صحت کے بارے میں پوچھ سکتے ہیں۔