کل بارش کے بعد نیپال کے سندھوپالچک ضلع کی بارہ بیس رورل بلدیہ نمبر سات میں مٹی کے تودے گرنے سے کم از کم تین افراد اپنی جان سے ہاتھ دھو بیٹھے اور دو درجن سے زائد دیگر لاپتہ ہوگئے۔
بارہ بیس رورل بلدیہ کے چیئرمین نم فینجو شیرپا نے بتایا ہے کہ 'ضلع کے بھیر خارکا کے علاقے میں مٹی کے تودے گرنے سے نو مکانات بہہ جانے کے بعد لگ بھگ 20 سے 25 افراد لاپتہ ہیں'۔
انھوں نے بتایا ہے کہ 'نقصانات کی صحیح تفصیلات کے بارے میں ابھی تک کچھ پتہ نہیں چل سکا ہے'۔
انہوں نے کہا کہ 'وہ فی الحال سائٹ پر جارہے ہیں۔نیپال آرمی کے اہلکاروں کی ایک ٹیم سرچ اور ریسکیو آپریشن کے لئے جائے وقوع پرپہنچ گئی ہے۔ توقع ہے کہ جلد ہی نیپال پولیس کے اہلکاروں کا ایک وفد اس علاقے میں پہنچے گا'۔
مقامی لوگوں نے حادثے کی خبر سنتے ہی بچاؤ مہم شروع کر ایک کی جان بچا لی جبکہ کئی افراد کی لاش تین گھنٹے کی مشقت کے بعد نکالنے میں کامیابی حاصل کی۔
ذرائع کا کہنا ہے کہ مٹی کا تودہ گرنے سے قبل علاقے کے ایک گھر میں ایک بچے کا یوم پیدائش منایا جا رہا تھا اور اس وقت بہت سے لوگ اس میں حصہ لے رہے تھے۔ ان تمام لوگوں کے تودے کے ملبے تلے دبے ہونے کا خدشہ ظاہر کیا جا رہا ہے۔
