افغانستان کے شمالی صوبے جوجان کے تیپا کے علاقے میں طالبان عسکریت پسندوں کے ٹھکانوں پر فوج کے فضائی حملے میں 29 شدت پسند ہلاک ہوگئے ہیں۔ وزارت دفاع نے منگل کو ایک بیان میں یہ اطلاع دی۔
بیان کے مطابق یہ فضائی حملے پڑوسی ریاست جوجان کو پڑوسی صوبے سری پل سے ملانے والی سڑک پر طالبان گروپ کے ٹھکانوں پر کئے گئے۔ حملے میں ہلاک ہونے والے عسکریت پسندوں میں طالبان کے تین بڑے کمانڈر بھی شامل ہیں۔ فوج کی کارروائی میں بڑی تعداد میں اسلحہ اور گولہ بارود کو بھی تباہ کردیا گیا۔
یہ بھی پڑھیں: طالبان کا افغانستان کے 85 فیصد علاقہ پر قبضہ کا دعویٰ
طالبان گروپ نے ابھی تک اس حملے پر کوئی تبصرہ نہیں کیا ہے۔ واضح رہے کہ طالبان گروپ نے پچھلے دو ماہ کے دوران جوجان، فاریاب، بلخ اور سری پل صوبوں میں 10 سے زائد اضلاع کا کنٹرول حاصل کرلیا ہے۔
