افغان سلامتی دستے کے ایک خصوصی آپریشن میں کم از کم 21 طالبان عسکریت پسند ہلاک اور سات دیگر زخمی ہوگئے۔ افغان اسپیشل فورس نے اتوار کے روز اس رپورٹ کی تصدیق کی ہے۔
افغان نیشنل آرمی کے خصوصی آپریشن گروپ کی طرف سے جاری ہونے والے ایک بیان میں کہا گیا ہے کہ ہفتہ کے روز مغربی صوبہ بادغیس میں ضلع قادیس کے کارچاگی گاؤں میں افغان فضائیہ کے حملے میں 12 طالبان جنگجو ہلاک اور ایک دیگر زخمی ہو گئے۔
طلوع نیوز کی رپورٹ کے مطابق فوجی حکام نے بتایا کہ فضائی حملے میں کوئی مقامی شخص یا سلامتی دستے کا ممبر ہلاک نہیں ہوا۔
اسی طرح ، صوبہ غزنی میں سکیورٹی فورس کے ایک آپریشن میں نو طالبان جنگجو ہلاک اور چھ دیگر زخمی ہوگئے۔ یہ طالبان جنگجوعلاقے میں فوجی چوکیوں پر حملے کی تیاری کر رہے تھے۔
