انڈونیشیا میں کورونا وائرس کی عالمی وبا کی وجہ سے اب تک 180 ڈاکٹر اپنی زندگی سے ہاتھ دھو بیٹھے ہیں۔ انڈونیشین میڈیکل ایسوسی ایشن کے مطابق کورونا وائرس کے سبب فوت ہونے والے ڈاکٹروں میں 92 جنرل پریکٹیشنر ، 86 خصوصی ماہر ین اور دو ریزیڈنٹ ڈاکٹر شامل ہیں۔
مشرقی جاوا میں سب سے زیادہ 38 ڈاکٹر فوت ہوئے ہیں۔ اس کے بعد جکارتہ میں 27، شمالی سماترا میں 24، وسطی جاوا میں 15 اور مغربی جاوا میں 12 ڈاکٹروں کی موت ہوئی ہے۔
انڈونیشیا میں اب تک کورونا وائرس کے 527999 معاملے رپورٹ ہوئے ہیں، جن میں سے 441983 مریض صحت یاب ہوچکے ہیں جبکہ 16646 افراد لقمہ اجل بن چکے ہیں۔
