افغان فوج نے افغانستان میں آپریشن کے دوران 18 طالبان جنگجوؤں کو ہلاک کرنے کا دعوی کیا ہے۔ یہ اطلاع افغانستان کے وزارت دفاع کے ترجمان فواد امان نے دی۔ مسٹر امان نے بتایا کہ فوج نے آج 18 طالبان شدت پسندوں کو ہلاک کر دیا ہے۔
انہوں نے بتایا کہ 'فوج نے ضلع قندھار میں آپریشن کیا اور 10 شدت پسندوں کو ہلاک کیا ہے۔ وہیں ہلمند کے نہر سراج ضلع میں آٹھ طالبان کو ہلاک کر دیا گیا ہے'۔
ترجمان کے مطابق اس آپریشن کے دوران افغان فوج کے کسی بھی اہلکار کو کسی طرح کا کوئی جانی نقصان نہیں ہوا ہے۔
یہ بھی پڑھیں: 'طالبان پر امن مذاکرات کے لیے عالمی برادری دباؤ ڈالے'
طالبان نے اس سلسلے میں کسی طرح کی کوئی تٖٖفصیلات جاری نہیں کی ہے اور وزارت دفاع کے اس دعوے کو مسترد کردیا ہے۔
واضح رہے کہ گذشتہ برس ستمبر میں افغان حکومت اور طالبان کے درمیان قطر کے دوحہ میں امن مذاکرات ہوئے تھے لیکن زمینی سطح پر تصادم ابھی ختم نہیں ہوا ہے۔
یو این آئی
