افغانستان میں بدھ کے روز علی الصبح دو شمالی صوبوں میں طالبان عسکریت پسندوں کے فوجی کیمپوں پر حملے کے دوران کم از کم 17 فوجی ہلاک اور 11 دیگر زخمی ہوگئے۔
زرائع نے بتایا 'صوبہ قندوز کے شمال سے 15 کلومیٹر میں واقع شہر تلہکا میں جھڑپوں میں افغان فوج کے پانچ جوان ہلاک اور چھ زخمی ہوگئے ہیں'۔
217 پامیر کارپس سے تعلق رکھنے والے عبد القادر نے بتایا 'تقریباً دو گھنٹے کی لڑائی کے بعد طالبان باغیوں کو جائے وقوع سے بھگا دیا گیا۔ اس دوران چار عسکریت پسند بھی مارے گئے'۔
صوبائی حکومت کے ایک ترجمان نے تصدیق کی ہے 'شمالی صوبہ جوزجان میں ضلع آچا کے ایک اسٹریٹجک علاقہ بالا حصار میں طالبان نے ایک فوجی کیمپ پر دھاوا بولا، اس دوران قریب 12 فوجی جوان اور 5 عسکریت پسند ہلاک ہوگئے جبکہ 5 فوجی اہلکار اور 10 عسکریت پسند زخمی بھی ہوئے'۔
یہ بھی پڑھیے
بھارت ۔ چین صبر و تحمل کا مظاہرہ کرے: اقوام متحدہ
عالمی سطح پر کورونا وائرس سے ہلاک ہونے والوں کی تعداد میں اضافہ
آپ کو بتا دیں کے افغانستان میں روایتی طور پر موسم بہار اور موسم گرما میں عسکریت پسندی اور انسداد عسکریت پسنپدی زور پکڑتی ہے۔
دیہی علاقوں میں جھڑپیں اور لڑائیاں آئے دن ہوتی رہتی ہیں کیونکہ طالبان عسکریت پسند علاقے کو سنبھالنے اور اپنی پوزیشن مستحکم کرنے کی کوشش کر رہے ہیں۔
