چینی میڈیا کے مطابق منگل کے روز ژینگزو شہر میں معمول سے زیادہ بارش ہونے کی وجہ سے عام زندگی متاثر ہوئی ہے۔ شہر میں سیلاب جیسے حالات ہیدا ہوگئے ہیں۔ بجلی سپلائی اور ٹریفک کی آمد ورفت مکمل طور پر متاثر ہے۔ سیلاب سے 12 افراد کی موت ہوگئی ہے، جبکہ تقریباً ایک لاکھ مقامی شہریوں کو سیلاب سے بحفاظت باہر نکالا گیا ہے۔
مزید پڑھیں:
شہر میں سیلاب جیسے حالات کے پیش نظر 80 سے زائد بس لائنوں کو معطل کردیا گیا ہے، 100 سے زائد سب وے سروس کو عارضی طور پر بند کردیا گیا ہے۔ سب وے سرنگ میں بارش کا پانی بھر جانے سے سب وے ٹرین میں مسافروں کی بڑی تعداد پھنسے ہونے کی اطلاع ہے۔ جس کے بعد پولیس افسران، اور فائر فائٹرز کی ٹیم جائے وقوع پر پہنچ کر امدادی کام شروع کردی ہے۔
ژینگزو میں ریلوے کی 160 سے زائد خدمات بند کردی گئیں ہیں جبکہ شہر سے باہر جانے والی 260 پروازیں بھی منسوخ کردیں گئی ہیں۔
