ٹویٹر اکاؤنٹس ہیک معاملے کی تفتیش کر رہے ہیں: ٹویٹر

مائیکرو سافٹ کے بانی بل گیٹس، امریکی صدراتی امیدوار جو بائیڈن سمیت دنیا کی متعدد اعلیٰ شخصیات کے ٹویٹر اکاؤنٹ ہیک ہونے کے معاملے پر ٹویٹر کی جانب سے جاری کردہ بیان میں کہا گیا کہ وہ اکاؤنٹس ہیک ہونے کی تحقیقات کر رہے ہیں۔

بٹ کوائن اسکینڈل چلانے کے لیے بل گیٹس، جو بائیڈن، ایلان مسک، امیزون کے مالک جیف بیزوس اور سابق امریکی صدر بارک اوبامہ سمیت متعدد اعلیٰ شخصیات کے ٹویٹر اکاؤنٹس کو ہیک کر کے لوگوں کو دھوکہ دینے کی کوشش کی جا رہی ہے۔

بشکریہ ٹویٹر

اس معاملے میں ٹویٹر کی جانب سے کہا کہ 'ہم اس واقعہ کی تحقیقات کر رہے ہیں اور اس کے لیے ایکشن لے رہے ہیں۔

واضح رہے کہ بل گیٹس اور جو بائیڈن کے ٹویٹر اکاؤنٹس سے ہیکرس نے ٹویٹ کر کے لوگوں سے رقوم اینٹھنے کی کوشش کی ہے۔

ہیکرس نے جو بائیڈن اور بل گیٹس کے اکاؤنٹس سے ٹویٹ کیا کہ 'جو بھی شخص بٹ کوائن کرنسی کے ذریعے مجھے ایک ہزار ڈالر دے گا میں اگلے 30 منٹ میں اسے دوگنی رقم واپس کروں گا۔