نسلی تفریق کے خلاف تیسرے ہفتے کے روز بھی امریکہ کے دارالحکومت واشنگٹن میں بڑی تعداد میں لوگوں نے وہائٹ ہاوس کے سامنے پہنچ کر احتجاج کیا۔
گذشتہ 25 مئی کی شب امریکی ریاست منیسوٹا کے منیپولیس شہر میں پولیس نے امریکی سیاہ فام شہری جارج فلائیڈ کو گلا گھونٹ کر قتل کر دیا تھا۔ ان کی موت کے اتنے دنوں کے بعد بھی اب تک کشیدگی برقرار ہے۔
مظاہرین پر امن طریقے سے وہائٹ ہاؤس کے قریب جمع ہوئے۔ انہوں نے اپنے ہاتھوں میں پلے کارڈز اٹھا رکھا تھا، جن پر پولیس کی ناانصافی کے خلاف نعرے لکھے ہوئے تھے۔
مظاہرین کا یہ احتجاج 'بلیک لائیوز میٹر' کے بینر تلے کیا جا رہا ہے۔ مظاہروں کے دوران لوگوں کی زبان سے اس نعرے کو بار بار دہرایا جاتا ہے اور پولیس کے خلاف اپنے غصے کا اظہار کیا جاتا ہے۔
