امریکہ نے کہا کہ وہ وینزویلا کے صدر نکولس مادورو کے خلاف اتحاد بنانا جاری رکھے گا اور اسے وسائل سے محروم کرے گا۔
جمعہ کے روز امریکی وزیر خارجہ مائیک پومپیو نے برازیل کے وزیر خارجہ ارنسٹو اراجو کے ساتھ مشترکہ پریس کانفرنس میں کہا ہے کہ 'ہم اتحاد بنانے کا کام جاری رکھیں گے اور وہاں کی حکومت کو دولت اور وسائل سے محروم کریں گے'۔
اہم بات یہ ہے کہ وینزوئلا گزشتہ ایک سال سے زائد عرصے سے سیاسی بحران کا سامنا کر رہا ہے۔ جس کی وجہ سے اس کے امریکہ سمیت کئی دیگر ممالک کے ساتھ تعلقات کافی خراب ہوگئے ہیں۔ اسی درمیان وینزوئلا کے صدر نکولس مادورو نے منگل کے روز دارالحکومت کراکس میں واقع یورپی یونین کے مشن کے سربراہ اسابیل برل ہانٹے پیڈروسا کو 72 گھنٹوں کے اندر ملک چھوڑنے کا حکم دیا ہے۔
واضحر رہے کہ پارلیمانی انتخابات کے لئے چھ دسمبر 2020 کو ووٹنگ ہوگی۔
وینزویلا میں گزشتہ مرتبہ 2015 میں پارلیمانی انتخابات ہوئے تھے۔ موجودہ پارلیمنٹ کی میعاد دسمبر 2020 میں ختم ہورہی ہے۔
- مزید پڑھیں: وینزویلا میں 6 دسمبر کو ہونگے پارلیمانی انتخابات
تاہم وینزویلا کے صدر نکولس مادورو نے گذشتہ برس ہی پارلیمانی انتخابات کرانے کا مشورہ دیا تھا جس کی اپوزیشن لیڈر جوآن گوآئیدو نے سخت مخالفت کی تھی جس کی وجہ سے وینزویلا میں بڑے پیمانے پر مظاہرے بھی ہوئے تھے۔
