امریکی صدر جو بائیڈن نے کہا ہے کہ اگر روسی صدر ولادیمیر پوتن نارتھ اٹلانٹک ٹریٹی آرگنائزیشن (نیٹو) کے ممالک میں داخل ہوتے ہیں تو امریکہ اس کا مکمل طور سے اور سخت جواب دے گا۔US President Biden Warns Putin
انہوں نے یہ بھی کہا کہ ان کا پوتن سے بات کرنے کا کوئی ارادہ نہیں ہے لیکن انہوں نے یوکرین کے صدر ولادیمیر زیلنسکی سے بات کی اور انہیں یقین دلایا کہ یوکرینی عوام کے مصائب کو کم کرنے کے لیے امریکہ انسانی بنیادوں پر امداد فراہم کرے گا۔
بائیڈن نے جمعرات کو وائٹ ہاؤس میں ایک نیوز کانفرنس میں کہا، 'اگر پوتن نیٹو ممالک میں داخل ہوتا ہے تو ہم مداخلت کریں گے۔ مجھے صرف ایک بات کا یقین ہے کہ اگر ہم نے انہیں ابھی نہیں روکا تو ان کی حوصلہ افزائی ہوگی۔Russia Ukraine Tension
یہ بھی پڑھیں: Biden on Russia Ukraine Crisis: جوبائیڈن نے پوتن کو سفاک حکمراں قرار دیا
اگر اب بھی ہم نے ان کے خلاف سخت پابندیاں نہ لگائیں تو ان کی حوصلہ افزائی ہوگی۔ اس دوران بائیڈن نے روس کے خلاف کئی بڑی پابندیاں عائد کرنے کا اعلان بھی کیا۔ انہوں نے کہا کہ اب اس نے ایک بڑی جدوجہد کی شکل اختیار کر لی ہے۔
یوکرین پر روس کے حملے کے درمیان، امریکہ نے اپنے نیٹو اتحادیوں کی حفاظت کے لیے، خاص طور پر مشرقی یورپ میں اضافی فوجی تعینات کیے ہیں۔
بائیڈن نے دعویٰ کیا کہ یوکرین میں پوتن کے عزائم بہت بڑے ہیں۔ قابل ذکر بات یہ ہے کہ روسی فوج نے جمعرات کو یوکرین کے خلاف فوجی آپریشن شروع کیا تھا جو جمعہ کو بھی جاری ہے۔
