بھارت میں کووڈ 19 کے معاملات میں غیر معمولی اضافے کے درمیان ریاست ہائے متحدہ امریکہ نے بھارت سے سفر پر پابندی عائد کر دی ہے۔ این بی سی نیوز کے مطابق اس پالیسی کا اطلاق امریکی شہریوں، مستقل رہائشیوں یا دیگر مستثنیٰ افراد پر نہیں ہوگا۔
وائٹ ہاؤس کے پریس سکریٹری جین ساکی نے کہا کہ ''بیماریوں پر قابو پانے اور روک تھام کے مراکز کے مشورے پر انتظامیہ فوری طور پر بھارت سے سفر پر پابندی لگائے گا۔ بھارت میں کووڈ 19 کے معاملات میں بے انتہا اضافے اور کئی قسم کے اسٹرین ملنے کے بعد اس پالیسی پر عمل کیا جا رہا ہے۔ اس کا اطلاق منگل 4 مئی کو ہوگا"
بھارت کورونا وائرس کی دوسری لہر کے اثرات کا شکار ہے۔
جمعہ کو ملک میں 3.86 لاکھ نئے کوڈ 19 کے کیسز اور 3،498 اموات کی اطلاع ملی۔
اپریل میں کووڈ 19 کے واقعات میں اضافے کے بعد ریاست ہائے متحدہ امریکہ نے بھارت جانے والے مسافروں کے لئے '' لیول 4 '' انتباہ جاری کیا، جس میں ان سے بھارت جانے سے گریز کرنے کی بات کہی گئی ہے۔
بہت سے ممالک نے کووڈ 19 میں اضافے کے دوران بھارت سے آنے والے مسافروں پر پابندیاں عائد کردی ہیں۔
کینیڈا اور متحدہ عرب امارات سمیت کئی ممالک نے بھارت سے عارضی طور پر مسافروں کی پروازوں پر پابندی عائد کردی ہے۔ جبکہ برطانیہ نے احتیاطی بنیاد پر بھارت کو "ریڈ لسٹ" میں شامل کیا۔
