امریکہ کے مختلف شہروں میں تلگو این آر آئیز نے احتجاجی مظاہرے کرتے ہوئے ریاستی حکومت سے مطالبہ کیا کہ وہ ریاست کے تین دارالحکومتوں کے قیام کی تجویز سے فوری دستبرداری اختیار کرے۔
انہوں نے حکومت کی اس تجویز کی شدید مخالفت کی اور حکومت پر زور دیا کہ وہ امراوتی کو ہی دارالحکومت کے طورپر برقرار رکھنے کے اقدامات کو یقینی بنائے۔
امریکہ کے ورجینیا اور دوسرے علاقوں میں اس خصوص میں ریلی نکالی گئی اس دوران مظاہرین نے 'ایک ریاست ایک دارالحکومت' کا نعرہ بھی لگایا۔ اس ریلی میں خواتین کی تعداد کافی زیادہ تھی۔
ازیں اٹلانٹا میں پرواسی آندھرا کے لوگوں نے بھی مظاہرہ کیا اور کہا کہ وہ تین دارالحکومتوں کی تجویز کو مسترد کرتے ہیں۔ انہوں نے پولیس کی جانب سے دارالحکومت امراوتی کی خواتین پر حملے کے واقعات کی مذمت کی۔