امریکی فیڈرل ایوی ایشن ایڈمنسٹریشن کی ترجمان کیتھلین برجن نے بتایا کہ ریاست جارجیا کے اٹلانٹا کے شمال مشرق میں چمبیلی کے ڈی کالب پیچری ایئرپورٹ سے پرواز کے بعد طیارہ پائپر پی اے 28 صبح 10:30 بجے کے قریب گر کر تباہ ہوا۔
یہ واضح نہیں ہے کہ حادثے میں کوئی جانی نقصان ہوا ہے یا نہیں،حادثے کے فورا بعد فائر فائٹرز اور پولیس جائے حادثہ پر پہنچ گئے۔
پائپر - 28 ایک واحد انجن والا طیارہ ہے جس میں دو یا چار سیٹیں ہوتی ہیں۔
واضح رہے کہ ڈی کالب پیچری ایئرپورٹ ریاست جارجیا کا دوسرا مصروف ترین علاقہ ہے اور اس کی ویب سائٹ کے مطابق سالانہ اوسطا 230،000 ٹیک آف اور لینڈنگ ہوتی ہیں۔
سائٹ کے مطابق اس کو ایک امدادی ایئرپورٹ سمجھا جاتا ہے یعنی کہ یہ سہولت چھوٹے ہوائی جہاز کو سنبھالنے اور بڑے ہوائی اڈے پر ہجوم کو کم کرنے کے لیے استعمال کیا جاتا ہے۔
