امریکی وزیر خارجہ انٹونی بلنکن نے کہا ہے کہ 'امریکہ شمالی کوریا کے خلاف نئی پابندیوں پر غور کر رہا ہے'۔
این بی سی کو دیئے گئے ایک انٹرویو میں مسٹر بلنکن نے شمالی کوریا کا تذکرہ کرتے ہوئے کہا کہ یہ ایک بہت بڑا مسئلہ ہے جو وقت کے ساتھ بدتر ہوتا جارہا ہے۔
یہ بھی پڑھیں: زارا محمد برطانیہ کی مسلم کونسل کی پہلی خاتون سیکریٹری جنرل منتخب
انہوں نے دعوی کیا کہ امریکہ کے سابق صدر ڈونلڈ ٹرمپ نے شمالی کوریا کے رہنما کم جونگ ان کے ساتھ تین چوٹی ملاقات کی تھی۔ لیکن شمالی کوریا اپنے جوہری اور میزائل پروگرام سے پیچھے نہیں ہٹا۔
شمالی کوریا کے بارے میں امریکی پالیسی میں تبدیلی کا اشارہ دیتے ہوئے امریکی وزیر خارجہ نے کہا کہ 'ہم سب سے پہلے جو کام کرنے جارہے ہیں وہ ہے حکومت کی پالیسیوں کا جائزہ لینا'۔
یو این آئی
