یو ایس کامرس سکریٹری اسپتال میں داخل

امریکی محکمہ کامرس و تجارت کے ایک ترجمان نے کہا ہے کہ 'معمولی کھانسی کی وجہ سے ولبر راس کو اسپتال میں داخل کیا گیا ہے جس کا کورونا وائرس سے کوئی تعلق نہیں ہے'۔

امریکی سکریٹری برائے کامرس ولبر راس کو اسپتال میں داخل کرایا گیا ہے۔ بتایا جارہا ہے کہ اس کا تعلق کورونا وائرس سے نہیں ہے۔

ترجمان نے کہا ہے کہ '82 برس کے راس اب اچھا کام کر رہے ہیں اور وہ توقع کرتے ہیں کہ جلد ہی راس کو اسپتال سے ڈسچارج کیا جائے گا'۔

دریں اثنا جانس ہاپکنس یونیورسٹی آف میڈیسن کے مطابق امریکہ میں اب تک کورونا وائرس مرض کے 3،711،297 تصدیق شدہ واقعات رپورٹ ہوئے ہیں۔

جان ہاپکنس یونیورسٹی کے سائنس اور انجینئرنگ کے مرکز (سی ایس ایس ای) کے مطابق امریکہ میں 11 لاکھ سے زیادہ لوگ کورونا سے مکمل طور پر ٹھیک بھی ہوئے ہیں۔

عالمی وبا کورونا وائرس سے سنگین طور پر نبرد آزما امریکہ میں اس کے انفیکشن سے 1.40 لاکھ سے زیادہ لوگوں کی موت ہوچکی ہے۔

امریکہ میں یہ وبا کافی پھیل چکی ہے اور اب تک 37 لاکھ سے زیادہ لوگ اس کی زد میں آچکے ہیں۔

نیو جرسی میں اب تک کورونا انفیکشن کے ایک لاکھ سے زیادہ معاملے سامنے آئے ہیں جبکہ 15 ہزار سے زیادہ لوگوں کی اس وبا سے موت ہوچکی ہے۔

اس کے علاوہ میسے چوسیٹس، مشی گن، الینایس، کیلی فورنیا اور پنسلوانیہ جیسے صوبےبھی کووڈ۔ 19 کے قہر کا سامنا کررہے ہیں۔