جنوبی افریقہ میں تیزی سے پھیلنے والے کورونا وائرس کے نئے ویریئنٹ New Covid Variants اومیکرون کی تشخیص ہونے کے بعد سے ہی مختلف ممالک نے جنوبی افریقہ سمیت دیگر افریقی ممالک پر سفری پابندیاں عائد کرنے کا اعلان کیا ہے۔
اب امریکہ اور آسٹریلیا نے کورونا وائرس کے نئے ویریئنٹ اومیکرون کے بڑھتے پھیلاؤ کو دیکھتے ہوئے جنوبی افریقہ سے آنے والے غیر ملکی شہریوں پر پابندی لگا دی ہے۔
ذرائع کے مطابق امریکی صدر جو بائیڈن نے جنوبی افریقہ کے سفر پر پابندی کے سرکاری اعلامیہ پر دستخط کر دئیے ہیں، جس کا اطلاق پیر کی صبح سے ہو گا۔
پروٹوکول کے مطابق پابندی ان لوگوں پر لاگو ہوگی جوامریکہ میں داخلے سے 14 دن پہلے بوٹسوانا، ایسواتینی، لیسوتھو، ملاوی، موزمبیق، نامیبیا، جنوبی افریقہ اور زمبابوے میں موجود تھے۔
دریں اثنا، آسٹریلیا نے بھی جنوبی افریقہ کے نو ممالک کے لیے تمام پروازوں پر پابندی عائد کر دی ہے۔ آسٹریلیا کے وزیر صحت گریگ ہنٹ نے کہا’’ان نو ممالک میں جنوبی افریقہ، نامیبیا، زمبابوے، بوٹسوانا، لیسوتھو، ملاوی اور موزمبیق وغیرہ بھی شامل ہیں‘‘۔
وزیر صحت نے کہا کہ یہاں سے صرف آسٹریلیائی شہریوں کو ہی ملک میں داخلے کی اجازت ہو گی، بشرطیکہ وہاں پہنچنے پر انہیں 14 دن تک قرنطینہ میں رہنا پڑے۔
یہ بھی پڑھیں:
- New Covid Variants: مختلف ممالک نے افریقی ممالک پر سفری پابندیاں عائد کی
- New Covid Variants: جنوبی افریقہ میں کورونا وائرس کے نئے ویریئنٹ کی تشخیص
- WHO on New Covid Variant: کووڈ کے نئے ویریئنٹ پر جنیوا میں ڈبلیو ایچ او کا خصوصی اجلاس
وہیں، فرانس کی حکومت نے افریقہ کے جنوبی حصوں سے آنے اور جانے والی پروازوں کو فوری اثر سے منسوخ کر دیا ہے۔ حکومت نے یہ فیصلہ افریقی براعظم میں کووڈ کے نئے ویریئنٹ B1.1.529 کے ابھرنے کے بعد کیا گیا ہے۔
وزیر اعظم کے دفتر نے جمعہ کو ایک ریلیز میں کہا کہ جنوبی افریقہ، لیسوتھو، بوٹوانا، زمبابوے، موزمبیق، نمبیا اور ایسوتینی سے آنے والے مسافروں کو ویکسینیشن کے باوجود فرانسیسی علاقے میں داخلے سے روک دیا جائے گا۔
ساتھ ہی دفتر نے بتایا کہ "جن لوگوں نے گزشتہ 14 دنوں میں ان میں سے کسی بھی ملک کا سفر کیا ہے وہ فوری طور پر انتظامیہ کو مطلع کریں اور فوری طور پر آر ٹی پی سی آر ٹیسٹ کروائیں۔"
حکومت نے یہ بھی مشورہ دیا ہے کہ جو لوگ ان ممالک کا سفر کرنے کا ارادہ رکھتے ہیں وہ اپنا سفر ملتوی کر دیں۔
بی ایف ایم ٹی وی کے حوالے سے فرانسیسی وزیر صحت اولیور ویرن نے بتایا کہ "ہم اس وقت قومی اور یورپی خطے کی بنیاد پر اس قسم کی کووِڈ 19 کی تشخیص نہیں کرنا چاہتے، جب کہ ہم اس خطرے کو بھی اچھی طرح نہیں جانتے ہیں۔ اسی لیے جنوبی افریقہ سے آنے والی تمام پروازوں پر اگلے 48 گھنٹوں کے لیے پابندی لگا دی گئی ہے۔
جنوبی افریقہ سے غیر ملکی شہریوں پر پابندی عائد کرنے والے دیگر ممالک میں برازیل، سنگاپور، برطانیہ، اٹلی، تھائی لینڈ اور یوروپی ممالک بھی شامل ہے۔
واضح رہے کہ عالمی ادارہ صحت نے جنوبی افریقہ میں پائے گئے کورونا وائرس کے نئے ویرینٹ کو ’اومیکرون‘ کا نام دیا ہے، عالمی ادارہ صحت نے اس معاملہ کو تشویش ناک قرار دے دیا۔
