عالمی وبا کورونا وائرس سے شدید متاثر امریکہ میں گزشتہ 24 گھنٹوں کے دوران ایک لاکھ سے زیادہ نئے کیسز سامنے آنے کے ساتھ ہی ملک میں متاثرہ افراد کی تعداد بڑھ کر 2،07،86،001 ہوگئی اور اس وبا سے اب تک 3.53 لاکھ سے زیادہ افراد ہلاک ہوچکے ہیں۔
امریکہ میں یہ وبا خوفناک شکل اختیار کر چکی ہے اور گذشتہ 24 گھنٹوں کے دوران ایک لاکھ 62 ہزار 423 نئے کیسز سامنے آنے سے ملک میں متاثرہ افراد کی تعداد 2،07،86،001 ہوگئی ہے۔ امریکہ کی جان ہاپکنز یونیورسٹی کے سینٹر برائے سائنس اینڈ انجینئرنگ (سی ایس ایس ای) کی جانب سے جاری تازہ ترین اعدادوشمار کے مطابق ملک میں اس دوران 1،681 کورونا مریضوں کی موت ہونے سے جاں بحق ہونے والوں کی تعداد بڑھ کر3،53،131 پہنچ گئی ہے ۔
امریکہ کے نیو یارک، ٹیکساس اور کیلیفورنیا کے صوبے کورونا سے سب سے زیادہ متاثر ہیں۔ صرف نیو یارک میں ہی کورونا سے 38،599 افرادہلاک ہوچکے ہیں۔ ٹیکساس میں اب تک 28،551 افراد اس وبا کی وجہ سے ہلاک ہوچکے ہیں۔ کیلیفورنیا میں کووڈ ۔19 سے 26،665 افراد ہلاک ہوچکے ہیں۔
یہ بھی پڑھیے
فرانسیسی بینک پر 85 لاکھ ڈالر کا جرمانہ عائد
جبکہ فلوریڈا میں کووڈ-19 سے 22،090 افراد ہلاک ہوگئے ہیں۔ اس کے علاوہ نیو جرسی میں 19،225 افراد، الی نوائے میں 18،412، مشی گن میں 13،391، میساچوسٹس میں 12،610 اور پنسلوینیا میں کورونا سے 16،335 افراد ہلاک ہو چکے ہیں۔
امریکہ کے کیلیفورنیا، کولوراڈو اور فلوریڈا صوبے میں برطانیہ میں پائے گئے کورونا وائرس کے نئی شکل کیسز کی تصدیق ہوئی ہے۔ کورونا وائرس کے نئی قسم کا وائرس 70 فیصد زیادہ متعدی ہے۔ واضح رہے کہ ملک میں فائزر اور ماریڈنا کی کورونا ویکسین کو منظوری کے بعد ٹیکہ کاری کی مہم بھی بڑے پیمانے پر شروع ہوگئی ہے۔
