انتخابات جیتنے پر ٹرمپ کی ڈوڈا کو مبارکباد

امریکی صدر ڈونلڈ ٹرمپ نے پولینڈ کے صدر آندریجز ڈوڈا کو انتخابات میں دوبارہ کامیابی پر مبارکباد دیتے ہوئے کہا ہے کہ وہ توانائی، دفاع اور باہمی دلچسپی کے دیگر شعبوں میں مل کر کام کرنے کے منتظر ہیں۔

مسٹر ٹرمپ نے پیر کو ٹوئٹ کیا 'پولینڈ کے میرے دوست صدر ڈوڈا کو انتخابات میں تاریخی جیت پر مبارکباد۔ دفاع ، تجارت ، توانائی اور ٹیلی مواصلات کی سیکیورٹی سمیت بہت سے امور پر ہمارا اہم کام جاری ہے۔'

قابل ذکر ہے کہ پولینڈ میں ہونے والے انتخابات میں حکمراں لاء اینڈ جسٹس پارٹی (پی آئی ایس) کے امیدوار آندریجز ڈوڈا نے اپنے مخالف رافال ٹرازوسکوسکی کو شکست دے کر کامیابی حاصل کی تھی۔

مسٹر ڈوڈا نے 51.03 فیصد ووٹ حاصل کیے جبکہ حزب اختلاف کی سوک پلیٹ فارم پارٹی کے امیدوار ٹرازوسکوسکی نے 48.97 فیصد ووٹ حاصل کیے۔