تفصیل کے مطابق یہ پیغام عمان کے ذریعہ ایران تک پہنچایا گیاہے۔
میڈیا نے جمعہ کو ایرانی ذرائع کے حوالے سے بتایا کہ ایران کو امریکی دھمکی پر ردعمل کے لئے کچھ وقت بھی دیا گیا ہے۔
واضح رہے کہ جمعرات کو ایران نے خلیج فارس سے متصل ہرمزگان صوبہ کے ساحلی علاقے میں ایک امریکی جاسوس ڈرون کو مارگرایا تھا جس سے ناراض ہوکر امریکہ نے یہ دھمکی بھرا پیغام بھیجا ہے۔
جبکہ مذکورہ ڈرون کے بارے میں ایران نے دعوی کیا تھا کہ ڈرون اس کے فضائی حدود میں داخل ہوا تھا۔
امریکی فوج نے تصدیق کی تھی کہ ڈرون کو مارگرایا گیا ہے جبکہ یہ بین الاقوامی علاقے میں پرواز کررہا تھا۔
صدر ٹرمپ نے پہلے کہا تھا کہ ایران نے ایک ’بڑی غلطی‘ کی ہے لیکن بعد میں نامہ نگاروں سے کہا کہ شاید یہ جان بوجھ کر نہیں کیا گیا ہو۔
نیویارک ٹائمز نے اپنی رپورٹ میں امریکی انتظامیہ کے سینئر افسران کے حوالے سے بتایا کہ مسٹر ٹرمپ نے ایرانی فورسوں کے ذریعہ امریکی ڈرون کو مارگرائے جانے کےبعد اپنے ردعمل میں کئی ہدفوں کو نشانہ بنانے کے بارے میں سوچا تھا لیکن بعد میں انہوں نے اپنا یہ فیصلہ بدل دیا۔
