میل ان ووٹنگ کے دھوکہ دہی کا خدشہ ظاہر کرتے ہوئے امریکی صدر ڈونلڈ ٹرمپ نے نومبر میں ہونے والے امریکی صدراتی انتخابات کو موخر کرنے کا مشورہ دیا ہے۔
ٹرمپ نے اپنے ٹوئٹ پیغام میں لکھا کہ 'یونیورسل میل ان ووٹنگ' 2020 تاریخ میں سب سے زیادہ غلط اور دھوکہ دہی والا انتخاب ہو گا۔ یہ ریاستہائے متحدہ امریکہ کے لیے بہت بڑی شرمندگی کی بات ہو گی۔ ووٹنگ کو اس وقت تک موخر کیا جانا چاہیے جب تک لوگ محفوظ طریقے سے ووٹ نہ کر سکیں'۔
میڈیا رپورٹ کے مطابق 50 ریاستوں میں سے 6 ریاستیں (کیلیفورنیا، یوٹاہ، ہوائی، کولوریڈو، اوریگون اور واشنگٹن) ایسی ہیں، جو 'آل میل' بیلیٹ انتخابات کی منصوبہ بندی کر رہی ہیں۔
