اقوام متحدہ کے سکریٹری جنرل گوٹریز نے کورونا وبا کے بعد سیاحتی شعبہ کو مستقل طریقےسے بحال کرنے کی ضرورت پر زور دیا۔
گوٹریز نے منگل کو کورونا وائرس اور سیاحت پر اپنی پالیسی کی مختصرا تفصیلات کی ابتدا کے دوران ایک ویڈیو پیغام میں یہ بات کہی۔
انہوں نے کہا کہ یہ ضروری ہے کہ 'ہم سیاحت کے شعبہ کی تعمیر نو کریں لیکن یہ ایک طرح سے محفوظ، انصاف پر مبنی اور آب وہوا کے مطابق ہونا چاہئے'۔
انہوں نے کہا کہ سیاحت کی صنعت نے لاکھوں لوگوں کو معاش فراہم کیا ہے لیکن سفری تجربات کو اس انداز میں کرنا چاہئے جو میزبان کمیونٹیوں ، کارکنوں اور مسافروں کے لئے محفوظ ہو۔
گوٹریز نے سیاحت میں پائیدار اصلاحات کو یقینی بنانے کے لئے پانچ ترجیحی شعبوں کی نشاندہی کی ہے۔
ان میں کووڈ 19 کے سماجی و معاشی اثرات کو کم کرنے، سیاحت کے شعبے میں زیادہ سے زیادہ ٹکنالوجی کے استعمال کو بڑھانے، سیاحت کی قدر کی پوری چین میں لچک پیدا کرنے، پائیداری اور ترقی کو فروغ دینے اور پائیدار ترقیاتی اہداف کی تائید کرنے میں سیاحت کو قابل بنانے کے لئے شراکت کرنا شامل ہے۔
