امریکی ریاست الینوائے کے اسپرنگ فیلڈ میں کافی ڈسپنسر بنانے والی کمپنی کے ایک ملازم نے ایک پلانٹ میں فائرنگ کردی جس میں دو افراد ہلاک اور ایک خاتون شدید زخمی ہوگئیں۔
حملہ آور مائیکل کولنز (48) شوٹنگ کے بعد جائے وقوع سے فرار ہوگیا۔ بعد وہ میں اپنی کار میں مردہ پایا گیا۔ واقعہ کے مقام کو دیکھ کراندازہ کیا گیاکہ اس نے خود کو گولی مار لی۔
مقامی میڈیا رپورٹ کے مطابق جمعہ کو مقامی وقت کے مطابق تقریباً 11بجے ’بن او میٹک‘ پلانٹ میں فائرنگ کا واقعہ پیش آیا ۔
مقامی میڈیا نے اسپرنگ فیلڈ پولیس چیف کینی ونسلو کے حوالے سے بتایا ہے کہ پولیس افسران نے پلانٹ کی عمارت سے دو افراد کی لاشیں برآمد کیں ،ان میں سے ایک کی عمر20 اور دوسرے کی 60 بتائی گئی ہے۔ اس کے علاوہ تقریبا 50برس کی ایک خاتون شدید طورپرزخمی حالت میں پائی گئیں،اسے اسپتال پہنچایا گیا۔
پولیس نے بتایا کہ فائرنگ کرنے والا ملازم ان تینوں افراد کا ساتھی تھا۔
