میکسیکو جیل میں دو گروہ کے مابین تصادم، 6 ہلاک

ولاہرموسہ کے جیل میں قیدیوں کے دو گروہ کے مابین ہوئے تصادم میں 6 قیدیوں کی موت ہوگئی جبکہ نو زخمی ہیں۔ جیل حکام نے بتایا کہ موجودہ صورتحال پر قابو پالیا گیا ہے۔

میکسیکو کے خلیج ساحل پر واقع جیل میں قیدیوں کے دو گروہ کے مابین گزشتہ روز ہوئے تصادم میں چھ قیدی ہلاک ہوگئے جبکہ نو زخمی ہیں۔

اس معاملے میں تباسکو اسٹیٹ کی پولیس نے بتایا کہ یہ تصادم ریاست کے دارالحکومت ولاہرموسہ میں واقع ایک جیل کے صحن میں پیش آیا۔ قیدیوں نے دیسی ہتھیاروں کا استعمال کیا تھا، جس میں میکسیکو میں عام طور پر استعمال ہونے والا بلیڈ بھی شامل ہے۔

جیل حکام نے بتایا کہ انہوں نے صورتحال پر قابو پالیا ہے، لیکن زخمیوں کی حالت کے بارے میں کوئی جانکاری نہیں ہے۔

انہوں نے بتایا کہ تباسکو میں منشیات کے گروہ کے ممبر اکثر اپنے مخالفین کے ساتھ جیل میں لڑتے رہتے ہیں۔

(اےپی)