امریکہ میں پورٹ لینڈ پولیس نے اوریگون کے پورٹ لینڈ علاقے میں یوم آزادی کے موقع پر پرتشدد مظاہروں کے معاملے میں متعدد مظاہرین کو گرفتار کیا ہے۔
پولیس نے ایک بیان جاری کرتے ہوئے کہا ہے کہ 'پرتشدد مظاہروں کے الزام میں 13 نوجوانوں کے خلاف مقدمہ درج کیا گیا ہے اور دو کو عدالت میں طلب کیا گیا ہے'۔
پولیس نے بتایا ہے کہ 'یہ گرفتاری چار جولائی کی شام سے پانچ جولائی کی صبح تک ہوئی ہیں'۔
پولیس اہلکاروں کے ذریعہ ہجوم کو ہٹانے کے دوران مظاہرین نے پولیس پر پتھراؤ کیا اور مورٹار کے ساتھ ان پر دھماکہ خیز مادے بھی پھینکے۔
پولیس نے اس وقت کسی بھی شدید چوٹ سے خود کو بچانے کے لئے آنسو گیس کے گولے استعمال کیے۔ اس دوران پولیس اہلکاروں کی آنکھوں میں لیزر لائٹ بھی ماری گئی جو ایک جرم ہے۔
اہم بات یہ ہے کہ ہفتے کے روز مظاہرین نے یوم آزادی کے موقع پر صدر ڈونلڈ ٹرمپ کے خطاب کے بعد وائٹ ہاؤس کے قریب امریکی پرچم بھی نذر آتش کیا۔
مزید پڑھیں: کورونا سے متعلق ٹرمپ کا دعویٰ مسترد
ٹرمپ نے اپنے خطاب میں بنیاد پرست بائیں بازو سے منسلک افراد، انارکی پسندوں اور اپنے مخالفین کو شکست دینے کا وعدہ کرتے ہوئے کہا تھا کہ وہ ایک متشدد ہجوم کے خلاف کھڑے ہیں جو امریکہ کی آزادی کو ختم کرنا چاہتے ہیں۔
