امریکی وزیر توانائی رِک پیری رواں سال کے آخر میں اپنے عہدے سے استعفیٰ دیں گے۔ امریکی صدر ڈونالڈ ٹرمپ نے نامہ نگاروں سے بات چیت کے دوران یہ اطلاع دی ہے۔
ڈونالڈ ٹرمپ نے کہا 'مسٹر ریک نے محکمہ وزارت توانا ئی میں بہترین کام کیا ہے لیکن تین برسوں کی مدت کار طویل عرصہ ہوتا ہے۔ رواں سال کے آخر میں اپنے عہدے سے استعفی دے دیں گے۔'
انہوں نے کہا کہ مسٹر ریک کی جگہ پر کرنے کے لیے انہوں نے دوسرا متبادل تلاش کرلیا ہے جو وزارت توانائی سنبھالیں گے۔
قابل ذکر بات یہ ہے کہ اکتوبر میں امریکہ کے ڈیموکریٹک ممبران پارلیمنٹ نے مسٹر ریک سے سوالات کرنے کی اجازت طلب کی تھی۔ دراصل مسٹر ریک کئی بار یوکرین کے دورے پر گئے تھے اور انہوں نے مسٹر ٹرمپ اور یوکرین کے صدر ولادیمیر زیلینسکی کی بات چیت لیک ہونے کے بعد یوکرین کے اعلیٰ عہدیداروں سے ملاقات بھی کی تھی۔
