عمران خان نے ٹوئٹر پیغام میں کہا کہ' ترکی کے صدر اردگان اور ملیشیا کے وزیر اعظم مہاتر محمد کے ساتھ میری ایک میٹنگ ہوئی، جس میں ہم نے فیصلہ کیا کہ تینوں ممالک مشترکہ طور پر اسلامو فوبیا کی طرف سے پیداہونے والے چیلنجیز کا سامنا کرنے اور عظیم مذہب - اسلام کے لیے وقف ایک انگریزی زبان چینل شروع کریں گے۔'
اقوام متحدہ کی جنرل اسمبلی کے 74ویں اجلاس میں شرکت کے لیے امریکہ گئے ہوئے پاکستان کے وزیراعظم عمران خان نے اس بات کا اعلان سماجی روابط کی ویب ٹوئٹر پر ایک ٹوئٹ میں کیا۔
اپنے ٹوئٹر پیغام میں پاکستانی وزیراعظم نے کہا کہ' صدر اردگان، وزیراعظم مہاتیر محمد اور میں نے ملاقات کی اور فیصلہ کیا ہم تینوں ممالک مل کر ایک ایسا انگریزی چینل شروع کریں گے، جو ’اسلاموفوبیا‘ سے جنم لینے والے چیلنجز کے مقابلے اور ہمارے عظیم مذہب 'اسلام' کے حقیقی تشخص کو اجاگر کرنے کے لیے مختص ہوگا۔'
واضح رہے کہ ترکی کے صدر رجب طیب اردگان نے اقوام متحدہ کی جنرل اسمبلی کے 74ویں اجلاس میں عالمی برادری سے مسئلہ کشمیر کو پُرامن اور غیر جانبدارانہ طور پر حل کرنے کی اپیل کی۔
رجب طیب اردگان نے کہا کہ پاکستان اور بھارت کے درمیان مسئلہ کشمیر کو بات چیت کے ذریعے حل کیا جانا چاہئیے۔
انہوں نے بین الاقوامی برادری کی طرف سے مسئلہ پر توجہ نہ دینے پر تنقید کی اور کہا کہ یہ مسئلہ گذشتہ 72 برسوں سے حل طلب ہے۔
