امریکہ نے منگل کے روز کہا کہ شمالی کوریا کے میزائل تجربے سے فوری طور پر کوئی خطرہ نہیں ہے۔
امریکی فوج نے کہا کہ ’’کوریا اور جاپان کے دفاع کے لیے امریکہ کا عزم غیر متزلزل ہے‘‘۔
قبل ازیں جنوبی کوریا کے جوائنٹ چیفس آف سٹاف (جے سی ایس) نے بتایا کہ شمالی کوریا نے جاپان کے سمندر میں ایک نامعلوم پروجیکٹائل داغا ہے۔
یہ بھی پڑھیں: شمالی کوریا: فوجی پریڈ میں بیلسٹک میزائل کی نمائش
دریں اثناء جاپانی وزیر اعظم یوشی ہیدے سوگا نے نامہ نگاروں کو بتایا کہ شمالی کوریا کی جانب سے داغے گئے پروجیکٹائل ممکنہ طور پر ایک بیلسٹک میزائل تھا۔ کیوڈو نیوز ایجنسی نے بتایا کہ پروجیکٹائل جاپان کے خصوصی اقتصادی زون کے باہر سمندر میں گرا۔
یو این آئی/اسپوتنک۔ شا پ۔ 1252
