برازیل: کورونا کے 24 ہزار سے زائد نئے کیسز

برازیل میں گذشتہ 24 گھنٹوں کے دوران کورونا وائرس کے 24 ہزار سے زیادہ نئے کیسز سامنے آئے ہیں اور اس دوران 500 سے زائد افراد ہلاک ہوچکے ہیں۔

وزارت صحت نے بتایا کہ ملک میں گذشتہ 24 گھنٹوں کے دوران 24578 نئے کیسز سامنے آنے کے ساتھ ہی یہاں متاثرہ مریضوں کی تعداد 2419091 ہوگئی ہے۔ اس دوران مزید 555 مریضوں کی ہلاکت کے ساتھ ہلاکتوں کی تعداد بڑھ کر 87004 ہوگئی ہے۔

سنیچر کے روز برازیل میں 51147 نئے کیسز سامنے آئے تھے اور مزید 1211 افراد ہلاک ہوئے تھے۔ برازیل میں ایک ہفتے قبل کورونا سے ہلاکتوں کی تعداد 78700 تھی جو اس ہفتے کے آخر تک بڑھ کر 87004 ہوگئی ہے۔

وزارت صحت کے مطابق برازیل میں کورونا سے اب تک 16 لاکھ سے زائد مریض صحت یاب ہوئے ہیں۔