فی الحال امریکہ کے مختلف ریاستوں میں گذشتہ کئی دنوں سے احتجاج کا سلسلہ جاری ہے۔ ریاست مینی سوٹا کے مینیپولیس شہر میں احتجاج کر رہے شہریوں پر پولیس نے ربر کی گولیاں برسا دیں۔
مارچ کرنے والوں کا ایک گروپ سڑک پر شہر کے شمال کی طرف بڑھ رہا تھا تبھی ہفتے کی رات افسران نے آنسو گیس فائر کر دی اس کے بعد احتجاج کرنے والے پیچھے ہٹ گئے۔
خیال رہے کہ گذشتہ پیر کو ریاست منی سوٹا میں 46 سالہ ایک سیاہ فام جارج فلائیڈ کو پولیس اہلکار نے گلا گھونٹ کر قتل کر دیا تھا۔
پولیس اہلکار نے گلائیڈ کے گلے پر 8 منٹ 46 سکنڈ تک اپنا گھٹنا رکھا ہوا تھا، جس سے گلائیڈ کی دم گھٹنے سے موت ہو گئی۔ موت سے قبل گلائیڈ کے منہ سے ' میں سانس نہیں لے سکتا' کے الفاظ سنے گئے تھے۔
اس حادثے کے بعد سے ہی امریکہ کی مختلف ریاستوں میں ہنگامہ مچا ہوا ہے۔ اس دوران احتجاج کرنے والوں میں سیاہ فام کے علاوہ سفید فام کے لوگ بھی بڑی تعداد میں شامل ہیں۔
